అనువాదలహరి

. శిలలతో నిండిన సముద్రపుటొడ్డున రాత్రి-వరద భీభత్సం సృష్టిస్తోంది: అలుపులేక పోటెత్తిన తన కెరటాలక్రింద సమాధికాబడ్డవాటికోసం రంపపుపళ్ళలాంటి కొండకొనలమీదా, చలువరాయి గుహల్లోనూ బొంగురుగొంతుతో సముద్రం శోకిస్తోంది. తవ్విపోస్తున్న తన కరకుకెరటాలతాకిడికి ఎత్తైనమిట్టకొనకొమ్ము మీంచి పచ్చికతోసహా ఒక శాలిబండ దొర్లుకుంటూ అఖాతంలోకి దబ్బుమని నిలువుగాపడింది నిశానిశ్శబ్దశ్రవణాలపై పిడుగుపడ్డట్టు. దానిప్రతిధ్వనులకి ఒడ్డు ఒణికింది. మనిషిజాడలేని ఈ తుఫాను రాత్రి ఆకాసంలో తేలుతున్న మబ్బుతెరలమాటున చంద్రుడు కళావిహీనంగా వెలుగుతున్నాడు; యువతా, బడలిన శరీరాలూ హాయిగా కలతలేక నిద్రిస్తుంటే, నేనొకడినే లక్ష్యంలేకుండా తిరుగాడుతున్నాను. నిట్టూర్పులతో…