అనువాదలహరి

ఇది షేక్స్పియర్ 400 వ వర్ధంతి సంవత్సరం . నా కృషికి తగిన ఫలాన్నందించలేని దోషి అదృష్టాన్ని నా కోసం తట్టిలేపుతున్నావా మిత్రమా! నా జీవితానికి పదిమందినీ అర్థించడం తప్ప ఏదీ దొరకలేదు; నా ప్రవర్తన కూడా అందుకే అలా. అందువల్లనే, నా పేరుకీ ఒక ముద్ర పడిపోయింది, అప్పటి నుండే నా నడవడికూడా మెతకబడింది, రంగుల్లో నానీ నానీ కలంకారుడి చెయ్యి రంగుదేరినట్టు. నన్ను కనికరించు! నాకీ జీవితం మీద విసుగేస్తోంది; ఈ మహత్తరమైన రోగానికి…

ఇది షేక్స్పియర్ 400 వ వర్ధంతి సంవత్సరం మహోత్తుంగ నగాగ్రాలకి రాచ ఠీవినలదుతూ  పచ్చని తరులతానికుంజములకు పసిడిచాయ నద్దుతూ వన్నెవెలిసిన సెలయేటి నీటికి నాకధునీరుచు లద్దుతూ  అరుణరాగరంజితమైన మహత్తర సూర్యోదయాలనెన్నిటినో చూసేను;   అంతలోనే, అతని అలౌకిక తేజోమయ వదననాన్ని ఆచ్చాదిస్తూ  నిమ్న,కుటిల వారివాహనివహాలను అనుమతించడమూ చూశాను. ఈ ప్రపంచాన్ని పరిత్యజించి, విరక్తితో, ముఖం చాటుచేసుకుని  కళంకిత భారంతో అపరాద్రి చేరుకోవడమూ చూశాను. అయినప్పటికీ, ఒకరోజు ప్రభాతవేళ నా కనుబొమలపై ఈ స్నేహితుడు ఎదురులేని వెలుగులతో ఒక్కసారి మెరిసాడు.  …