అనువాదలహరి

నువ్వు ఇంకా మాటలాడగల అద్భుతమైన శక్తి కలిగి ఉన్నపుడే   నీ ప్రతి ఆలోచననీ దాని మహత్వశక్తి ప్రకాశించేలా ఆవిష్కరించు.  రేపు, మృత్యువు పంపిన వార్తాహరుడు ఇక్కడికి వచ్చినపుడు చెప్పదలుచుకున్నది చెప్పేలోపే బలవంతంగా నిన్ను కొనిపోవచ్చు.  . సాది (1220-1291/92) పెర్షియన్ కవి అనువాదం: ఎల్. క్రామర్ బింగ్ సాదీ గురించి అనువాదకుని అభిప్రాయం:   సాదీ ప్రత్యేకత హృదయ సౌకుమార్యమూ, లలితమైన పదవిన్యాసమూ, సున్నితమైన అభిప్రాయ, భావప్రకటన. వాటినతడు ఎంతో సహజంగా, పొదుపైన పదాలలో, సంక్షిప్తంగా, చతురతతో ఉపయోగిస్తాడు.  Gift…

తొందరపడి ప్రపంచాన్ని ప్రేమించవద్దు, ఎందుకంటేరంగులతో, కసీదా పనితనంతో సింగారించిన ఆ పట్టు వస్త్రం   నమ్మదగినదీ, నిలకడలేనిదని ఒక్కసారి గమనించండి.  (నా మాట విను ముతామిద్, నీకు వయసు ఉడిగిపోతోంది) వయసు వాడికత్తిపదు నెన్నడూ తుప్పుపట్టదని కలగన్న మేము, మృగతృష్ణలో నీటిఊటల్నీ, ఇసుకలో గులాబీలు ఆశించాం,  ఈ ప్రపంచప్రహేళికని అర్థం చేసుకున్నా మనుకుని మట్టిని వస్త్రంగా కప్పుకుని మేధావులుగా భ్రమించాం.  . ముతామిద్, సెవిల్* మహరాజు     (1040-1095)   అరబ్బీ కవి అనువాదం: డల్సీ ఎల్. స్మిత్.   అనువాదకుడు ఈ…

ఇది చెప్పు, కష్టాలు దరిజేరకూడదని నీకొడుకుని ఎన్నాళ్ళని కాపలాకాయగలవు? కాబట్టి మొదట్లోనే జాగ్రత్తపడి అతను తప్పుడుపనులు చెయ్యకుండా పర్యవేక్షించు. నీ ఇల్లు నువ్వు కాపలా కాయగలవా? ఒక్క తలుపు చాలు అందులో దూరడానికి. మరేం అక్కరలేదు. నీ పండ్లతోట గోడలని ఎంతకని కాపలాకాయగలవు? కాబట్టి, పండ్లు అందరికీ ఉచితంగా వదిలెయ్. . (అనువాదం: డాంటే గేబ్రియల్ రోజెట్టి.) ఫ్రాన్సిస్కో ద బర్బెరీనో (1264 – 1348) ఇటాలియన్ కవి Image Courtesy:                       …

ఈ సర్వంసహా భుమండలానికి కారణం కాలమే;  కాలంలో జనించిన ఈ సమస్త జీవరాశులూ   కడకు ఈ కాలగర్భంలోనే విశ్రమిస్తాయి;   కాలానికి శతృ-మిత్రత్వాలు లేవు.   ఈ సృష్ట్యాదినుండీ మనమందరమూ  ఒక సుదీర్ఘమైన బిడారులో ప్రయాణిస్తున్నాము. మనగమ్యమేమిటో తెలియదు, తెలిసిందల్లా కాలం  ముందుండి దారిచూపుతుంది; అందరూ అనుసరించవలసిందే ఆరుబయట మైదానంలో రేగే సుడిగాలికి మొక్కలన్నీ తలవాల్చినట్టు అందరూ అవనతులు కావలసిందే; కనుక మన ఊపిరుల సమయం గడిచిపోగానే ఒక్కరొకరమూ తప్పుకుంటాం; చావుపుట్టుకలకు కన్నీరు చిందుట దేనికి?   . భర్తృహరి 5 వ…