అనువాదలహరి

మా మిత్రుడు పియానోదగ్గరకి వెళ్ళి, స్టూలు కొంచెం ఎత్తుగా చేసుకుని, నోట్లో పైపుని పక్కనబెట్టి, అల్మారాలోంచి ఒక లావుపాటి పుస్తకం ఎంచుకున్నాడు; దాన్ని ఠప్ అని అసహనంగా తెరిచాడు. అతని వేళ్ళు అలవోకగా మెట్లమీద పరుగులుతీసాయి కత్తులు దూసుకుంటున్నట్లు… ఆటవికదళాల మొరటు డప్పుదరువులకనుగుణంగా ఆయుధాలను ఝళిపిస్తూ, పిడుగులు వర్షించినట్టు పెడబొబ్బలు పెడుతూ, అకస్మాత్తుగా ‘గాలి కోట’మీద సేనల దాడి ప్రారంభమైంది… మెరుపులు కదంతొక్కుతున్నాయో అన్నట్టు కవాతుచేస్తూ భీతిగొలిపే పతాకాలతో, హతమార్చి తగలెయ్యడానికి దివిటీలతో తుఫానుమేఘాల్లా జరజరా పాకుతూ….…