.
రోజల్లా మా ఇంటిపక్కనే కూస్తున్న
ఒక పిట్టని తరిమేద్దామనుకున్నాను
.
ఇక ఎంతమాత్రం భరించలేననుకున్నాక
ద్వారం దగ్గరనిలబడి చప్పట్లుకొట్టేను
.
నాలో కూడ కొంతలోపం ఉంది ఉండాలి
అది పాడుతోందంటే దాని లోపం కాదు
.
అసలు ఆ మాటకొస్తే, ఏ పాటనైనా
అణచివెయ్యాలనుకోవడంలోనే ఏదో లోపం ఉంది
.
రాబర్ట్ ఫ్రాస్ట్
.
(ఎంతో అమాయకంగా కనిపిస్తున్న ఈ కవితలో ఒక అద్భుతమైన సందేశం ఉంది. ఏ పాటనైనా అణచివేయాలనుకోడం లోనే ఏదో లోపం ఉంది… అన్నది.
లోపాలని ఎత్తిచూపిస్తూ చిన్న కార్టూనులుగీసినా సహించలేని మనపాలకుల అసహనాన్ని ఈ నేపథ్యంలో చూడండి. ఈ కవితలో తాత్త్విక సందేశం ఎంత సున్నితంగా చెప్పబడిందో. ప్రజాస్వామ్యం అడ్దుపెట్టుకుని నియంతలు పాలకులైతే విమర్శలు జీర్ణించుకోలేరు. అధికారం పోవడం తట్టుకోలేరు. కనుక వాళ్ళకి వ్యతిరేకంగా ఎంత చిన్న స్వరం వినిపించినా దాన్ని అణచివెయ్యాలని ప్రయత్నిస్తారు. If self-pity is hallmark of villainy, impatience is the hallmark of tyranny ప్రజాస్వామ్యాన్ని ప్రజలే పరిరక్షించుకోవాలి… తమవారసులకి బానిసత్వం రాకుండా చూసుకోడానికి.)
.
A Minor Bird
.
I have wished a bird would fly away,
And not sing by my house all day;
.
Have clapped my hands at him from the door
When it seemed as if I could bear no more.
.
The fault must partly have been in me.
The bird was not to blame for his key.
.
And of course there must be something wrong
In wanting to silence any song.
.
Robert Frost
Related articles
- A Minor Bird, by Robert Frost (katarinaolivia.wordpress.com)
- The Gift Outright – Robert Frost (mmendus.wordpress.com)
అనువాదలహరి 
స్పందించండి