అనువాదలహరి

అనువాదము పునర్జన్మ

,

అస్తి-నాస్తి … రూమీ, సూఫీ తత్త్వవేత్త, పెర్షియన్ కవి.

(ఈ కవితలో అద్భుతమైన వ్యంగ్యంతో కూడిన మేల్కొలుపు ఉంది. మనకి కష్టాలు రాకముందే, ఏదో వస్తుందని ముందే ఊహించుకుని ఆ వరదలో కొట్టుకుపోతుంటాం.  మన ఆలోచనలలోనే బందీలం అయిపోతాం. ఆట ఓడిపోతామనే భయంతో ఆడకముందే ఓడిపోతాం. విజయాన్ని సంపాదించకముందే, విజయాన్ని ఊహించుకుని ఆ మత్తులో తేలుతుంటాం. మన గతస్మృతులు అనే రణరంగంలో ఎప్పుడో వధించబడ్డవాళ్ళమి. మనకి ప్రతిక్షణం పునర్జన్మ ప్రసాదిస్తున్నా, ఇంకా గతంలోనే బ్రతకడానికి, మంచైనా చెడైనా, వెంపర్లాడుతుంటాం. మనకి సత్యానికీ (ఈ క్షణం), మిధ్య లేదా ఊహకీ (గతమూ/ భవిష్యత్తూ)మధ్య లేడా తెలీదు. మనం ఈ క్షణంలో చైతన్యంతో ఉంటే మరుక్షణంలో నిరాశానిస్పృహలతో అస్తిత్వం కోల్పోతుంటాం.)

.

నేను
ఇంకా ముంచెత్తని వరదలో
కొట్టుకుపోతున్నాను

నేను
ఇంకా కట్టని బందిఖానాలో
బందీనై ఉన్నాను

నేను
భవిషత్తులో ఆడబోయే
చదరంగం ఆటలో ఓడిపోయాను

నేను
ఇంకా రుచిచూడని నీ మదిరలో
మత్తెక్కి ఉన్నాను

నేను
ఎప్పుడో జరిగిన యుధ్ధంలో
రణరంగంలో వధించబడ్డాను

నాకు
నిజానికీ, ఆలోచనకీ మధ్య
తేడా తెలియదు.
నీడలా
నేను ఉన్నాను
లేను.

రూమీ.  

.

I AM AND AM NOT

I’m swimming
in the flood
which has yet to come

I’m shackled
in the prison
which has yet to be built

I am the checkmate
in a future game of chess

I’m drunk with your wine
which remains untasted

I’m slain on a battlefield
of long ago

I don’t
know the difference
between idea and reality

Like a shadow
I am
and am not.

.

Rumi

Jalāl ad-Dīn Muḥammad Rūmī, simply known as Rumi for the english speaking world, was a 13th century Sufi mystic, Persian Poet, Theologian, and a Jurist who flourished in the Eastern Roman Empire and hailed from Balkh province which is presently under Tajikisthan. Persian mystic poet Attar of Nishapur,who presented a book about the entanglement of Soul in the material world to Rumi,  had great influence on him. Legend goes that his meeting with Shams-e Tabrizi on 15th November 1244 has metamorphosed him from an accomplished jurist and preacher to an ascetic. Masnavi, his magnum opus, in 6 volumes is a spiritual work of about 25 thousand couplets.  And his other major work is Diwan-e Shams-e Tabrizi, a work dedicated to his teacher containing couplets and Ghazals in Arabic, Turkish and Greek. Besides, he has 3 other prose works, his seventy-one talks (Fihi Ma Fihi), 7 Persian sermons / lectures (Majāles-e Sab’a) and his letters (Makatib).

←
→

“అస్తి-నాస్తి … రూమీ, సూఫీ తత్త్వవేత్త, పెర్షియన్ కవి.” కి 8 స్పందనలు

  1. Nanda Kishore Avatar
    Nanda Kishore

    ఈ నేనింతకముందు చదివాను కానీ ఇంత బాగా అర్ధం చేసుకోలేకపోయాను.( “మన గతస్మృతులు అనే రణరంగంలో ఎప్పుడో వధించబడ్డవాళ్ళమే.. ” ) ధన్యవాదాలు మూర్తి గారు.. మీరు రాసిన పరిచయం కూడా పదే పదే చదవాలనిపించేలా ఉంది.
    రూమి రచనల్లో సూఫితత్వాలే ప్రధానమా?coleman barks అనువాదాలపై మీ అభిప్రాయం తెలుసుకోవచ్చా? గాలీభ్ ని దాశరధి రాసినట్టు, మీకు తెలిసినంతలో తెలుగులో రూమి అనువాదాల రాసినవారు ఉన్నార?

    మెచ్చుకోండి

    స్పందించండి
    1. NS Murty Avatar
      NS Murty

      “You get trained by other people whose writing you love.” అన్న బార్క్స్ మాటలు అతని నిజాయితీని పట్టిస్తాయి.
      ఇంకా ఇది గమనించండి. దైవత్వం మాటల్లో కాదు. అనుభవించగలగడం లో ఉంది. హిందూ, ముస్లిం, క్రిస్టియన్ అన్నవి పదాలు. ఆ పదాలతో పిలవబడేవాళ్ళందరూ వ్యక్తులే. Spirituality is common and necessary for all.

      Spirituality గురించి చెబుతూ, మనకున్న (thinking) పరిమితుల్నీ, పరిధుల్నీ దాటగలగడమే ఆధ్యాత్మికత అంటాడు. అంటే మనకు తెలియని ఒక కొత్త సత్యాన్ని (from a different religion) తెలుసుకుంటున్నప్పుడల్లా మన అవధులు విశాలమవుతున్నట్టే.

      రూమీ అభిప్రాయాన్ని ఎంత క్లుప్తంగా చెప్పాడో చూడండి: “Rumi was without boundaries. He would say that love is the religion and the universe is the book, that experience as we’re living it is the sacred text that we study, so that puts us all in the same God club.”

      As I see, Coleman Barks is an authority on Rumi.

      బార్క్స్ అనువాదాలగురించి చెప్పగల తాహతూ, సమర్థతా నాకు లేవు.

      Thank you Kishore.
      Best regards

      మెచ్చుకోండి

      స్పందించండి
  2. ఎందుకో ‽ ఏమో Avatar
    ఎందుకో ‽ ఏమో

    ఒకే మాట ! అద్భుతం !

    Sir thanks a lot

    నిజమే ! మానవ జీవితం 100 సం||లు అని చూచాయి గా అనుకుంటాం అందరం
    పోనీ ! జీవితం దాక ఎందుకు ఇవాల్టి ఒక్క రోజుని తీసుకుందాం
    ఎంత 24 గం || లు , 10 గం || లు నిద్ర మరియు శుభ్రత పనులు

    పోతే 14 గం || లు సగటు పొట్టకూటి కోసం ఒక 8 – 10 గం ||లు
    పోగా మిగిలినవి 4 గం || లు
    ఇంట్లో పనులు వ్యవహారాలు ఒక 3 గం || లు తీసి వేయగా
    ఇంకా మిగిలింది ఒక గంట !!

    ఎవరి వీలును బట్టి వారు జీవితాన ఇలాంటి సంభవ్యత ను తేల్చి చూసుకుంటే నిమిషాల్లోనే తప్ప గంటల్లో ఉండేంత తేడా ఏమి వుండదు
    సగటు జీవికి
    అయితే వచ్చిన చిక్కేమిటంటే …
    ఎవోక్కరు కూడా ! వర్తమాన వర్ధనం చేయటం లేదు.
    either గడచినా దానినో తలచు కుంటూ or గడవాల్సిన భవితనో ఊహిస్తూ
    వర్తమానాన్ని వ్యర్థం చేస్తున్నారు.

    ఇలాంటి situation ని త్రిపుర రహస్యం లో ఇలా వర్ణిస్తారు.
    ఒక లోలకం ఉంటుంది అది ఏ క్షణం కూడా నిలకడ గా ఉండక అటు గతానికో (ముందుకో) ఇటు భవిష్యత్తుకో (వెనక్కో) ఊగిసలాడుతూ ఉంటుంది,
    మానవుని మనసుకూడా ఇంతే అని తేల్చి పారేసింది త్రిపురా రహస్యం.

    అయితే ఇది సమస్య గా గుర్తించ లేని హీన మానసిక స్థితిలోనే అందరం ఉన్నాం,
    ఇది ఎంత పెద్ద రోగం అంటే ఇది రోగం అని తెలియనంతటి పెద్ద రోగం అన్నమాట!

    దానినే ఇక్కడ వ్యగ్యంగా చెప్తున్నాడు ఆ జ్ఞాని !

    సూఫీలు మహా జ్ఞానులు
    నడిచే దేవుళ్ళు !

    సాక్షాత్తు భవత్ స్వరూపాలు
    వారి నోట పలుకు మాటలు వేద వాక్కులు అక్షర సత్యాలు,

    నేను ఇంకా ముంచెత్తని వరదలో కొట్టుకుపోతున్నాను

    నేను ఇంకా కట్టని బందిఖానాలో బందీనై ఉన్నాను

    నేను భవిషత్తులో ఆడబోయే చదరంగం ఆటలో ఓడిపోయాను

    నేను ఇంకా రుచిచూడని నీ మదిరలో మత్తెక్కి ఉన్నాను

    పైవన్నీ ఊహలను ప్రతిబింబించే కపోల కల్పితాలు కాగా …

    నేను ఎప్పుడో జరిగిన యుధ్ధంలో రణరంగంలో వధించబడ్డాను

    ఇది జ్ఞాపకాల దొంతరలనేడి బూజు

    నాకు నిజానికీ, ఆలోచనకీ మధ్య తేడా తెలియదు.

    నిజమే ఆలోచనకి ఆలోచనికి మధ్య ఒక సంధి ఉందని అద్దానినే ఆత్మ

    (నేను) అని గుర్తించే అవకాసం ఇవ్వలేని దయనీయ స్థితే కదా మన పరిస్థితి

    నీడలా నేను ఉన్నాను లేను.

    నిజమే నా నిజ అస్తిత్వాన్ని గుర్తించని నేను ఉన్నవాడను కాను ఉండి లేనివాడనే..
    రూమీ

    ఎందరో జ్ఞాన ప్రబోధకుల మాటలు ఈ చిరు వచనాలలో వినిపిస్తున్నాయి సర్,
    మండపేట గురువు గారు (మెహెర్ ప్రేమికులు సద్గురువులు) ఇట్లు సూచిస్తారు,
    నీ యాథార్థ ఉనికిని గుర్తించు అదే నీవు అని)

    (నా వద్ద శతాబ్దాల సూఫీ కవిత్వం అనే పవిత్ర గ్రంథం ఉండి, మొన్న ఈ మధ్య books fest లో బెజవాడ లో తీసుకున్నాను.)

    మెచ్చుకోండి

    స్పందించండి
  3. ఎందుకో ‽ ఏమో Avatar
    ఎందుకో ‽ ఏమో

    చెప్పటం మరిచాను

    పడాల్సిన ప్రతి పదం perfect గా పడింది

    ?!

    మెచ్చుకోండి

    స్పందించండి
  4. NS Murty Avatar
    NS Murty

    శివగారూ,
    మీ అభిమానానికి కృతజ్ఞతలు. ప్రవక్తలైనా, దేముడైనా చెప్పగలడు గాని, జీవితం లో ఆచరించవలసిందీ, ఆచరించగలిగేదీ మనుష్యులే. ఈ సత్యం తెలిసిన వాళ్లకి బోధ అక్కరలేదు. లక్ష్యంలేనివాడికి ఏ బోధా తలకెక్కదు. లేకపోతే ప్రపంచం ఎందుకింత ఘోరంగా ఉంటుంది?
    అభివాదములతో

    మెచ్చుకోండి

    స్పందించండి
  5. మధురవాణి Avatar
    మధురవాణి

    WOW.. HOW TRUE!
    Absolutely brilliant.. Thanks Murthy garu..

    మెచ్చుకోండి

    స్పందించండి
    1. NS Murty Avatar
      NS Murty

      Thank You Madhuravani.
      with best wishes

      మెచ్చుకోండి

      స్పందించండి
  6. ఎందుకో ‽ ఏమో Avatar
    ఎందుకో ‽ ఏమో

    మీ స్పందన మరిన్ని మారులు చదివింప చేసేదిలా ఉన్నది,
    నేను గతం లో మీతో మాట్లాడినప్పటికంటే ఎంతో లోతైనవి గా అనిపిస్తున్నాయి ఇవి
    thanks
    అండీ !

    మెచ్చుకోండి

    స్పందించండి

Leave a reply to ఎందుకో ‽ ఏమో స్పందనను రద్దుచేయి

స్పామును తగ్గించడానికి ఈ సైటు అకిస్మెట్‌ను వాడుతుంది. మీ వ్యాఖ్యల డేటా ఎలా ప్రాసెస్ చేయబడుతుందో తెలుసుకోండి.