అనువాదలహరి

వర్షంలో తడిసిన పచ్చగడ్డి కోసినపుడు వెలువడే సుగంధం గురించీ వెన్నులోని గింజలమీదనుండి జాలువారే చల్లని నీటిబిందుల పులకరింతలు గూర్చీ మైదానంలో నలుచెరగులా విస్తరించే వర్షస్నాతయైన వెలుతురు గురించీ పాడుతూ వస్తుంటాను విరబూచిన శరత్కాలపు వెన్నెలలగురించీ లోయల పిలుపులకు గుంపులు గుంపులుగా ప్రతిధ్వనిస్తూ ఎగసే పిచ్చుకలగురించీ పిచుకలపై వాలుతున్న తడిబారిన పడమటిగాలి గురించీ ఆలపిస్తూ వస్తాను. నిర్దాక్షిణ్యంగా కొరుక్కుతినే తెల్లని డిశంబరు నెల గురించీ బుసి ఆరిన చలిమంటలపై వీచిన గాలి రివటకి ఊగుతున్న ఉక్కువంటి చిక్కని చీకటిగురించీ, సూర్యాస్తమయాలగురించీ,…