అనువాదలహరి

బ్లేడ్లు … నొప్పి పెడతాయి నదులు …తడిగా ఉంటాయి ఆమ్లాలు …మరకలు చేస్తాయి మాదకద్రవ్యాలు …ఒళ్ళునొప్పిచేస్తాయి తుపాకులు …చట్టవిరుద్ధం ఉరితాళ్ళు …తెగిపోతాయి గాస్ వాసన… భరించలేం దానికంటే నువ్వు బ్రతకడమే మెరుగు. . డొరతీ పార్కర్ August 22, 1893 – June 7, 1967 అమెరికను కవయిత్రి     Resumé . Razors pain you; Rivers are damp; Acids stain you; And drugs cause cramp. ….. ….. (deliberately…

ఓ పిల్లవాడా! గెలుపు కేకలు వేసుకుంటూ, జీవన రణరంగంలోకి నీ పాదాలను మోపావు ఏ తగవులూ లేనిచోటునుండి… పోరాటస్థలికి ఏ సంశయాలూ లేనిచోటునుండి …సందేహాలలోకి. యవ్వనమనే పేలవమైన కవచాన్ని తొడుక్కుని కుర్రవాడా! లెక్కలేనన్ని యుద్ధాలలో పాల్గొనాలి, ప్రేమబావుటా ఎగరేసి లోకాల్ని గెలవాలంటే, నిరసనగళమనే కరవాలమూ, సత్యమనే డాలూ తోడుండాలి. లోకంలోని నిరాశానిస్పృహలు నీచుట్టూ ఎగసిపడుతుంటాయి; అపజయాలకి నువ్వు లోనై, దారికోసం తడుముకుంటావు. నీ ఆవేశం, అవలక్షణమని నిను నిందించేస్థాయిలో ఉండాలి నిరాశాజనకమైన భవిష్యత్తుకి, నువ్వు ఆశల ఊపిరులూదాలి.…

ప్రపంచం పట్ల నాలో నిరాశ పేరుకున్నప్పుడూ, నా, నా బిడ్డల భవిష్యత్తును గూర్చి చింతతో చిరుసవ్వడికే రాత్రివేళ మెలకువ వచ్చినప్పుడూ, తన జాతసౌందర్యంతో నీటిమీద తేలియాడే మగబాతునీ, ఉదరపోషణ చేసుకునే కొంగనీ వీక్షించడానికి సరస్సు దగ్గరకిపోయి విశ్రమిస్తాను. రాబోయే బాధని ముందుగా ఊహించుకుని తమజీవితాలు శోకమయం చేసుకోని వన్యజీవుల ప్రశాంతత నన్నావహిస్తుంది. నిశ్చలమైన నీటి సన్నిధిలో నిలబడతాను. నా శిరసుపై దివాంధాలైన నక్షత్రాలు తమ ప్రకాశంతో నాకై నిరీక్షించడాన్ని గుర్తిస్తాను. కాసేపు, ప్రకృతి అవ్యాజప్రేమలో తరిస్తాను… స్వేఛ్ఛాజీవినై.…

నేను నా రోజులు లెక్కెట్టుకున్నాను. నేను ఇప్పటివరకు బ్రతికినదానికంటే ఇక బ్రతకడానికి ఎక్కువరోజులు లేవని గ్రహించాను.   ఎక్కువ మిఠాయిలు దొరికిన పిల్లాడిలా ఉంది నా పరిస్థితి మొదట్లో సంతోషంతో ఆబగా తినేస్తాడు కానీ, ఇక అట్టే లేవని గ్రహించిన తర్వాత ప్రతి మిఠాయినీ తీవ్రంగా అనుభూతిచెందుతూ తింటాడు. ఇక అంతూపొంతులేని సమావేశాలకి నాకు తీరికలేదు అక్కడ ఏదీ జరగదని తెలిసినా చట్టాలూ, నిబంధనలూ, విధివిధానాలూ అంతర్గత నియంత్రణలూ మొదలైనవి చర్చిస్తూనే ఉంటారు. ఇక నాకు అసంగతంగా…