అనువాదలహరి

అనువాదము పునర్జన్మ

,

ఖ్వాజా అబ్దుల్లా అన్సారీ … ఆఫ్ఘనిస్థాన్, సూఫీ కవి

లౌకిక దృష్టితో నిండిన కనులు

పారలౌకికతలోని సుగుణాలు దర్శించలేవు;

పారలౌకికతగూర్చిన ఆలోచనలతో నిండిన కనులు

ఏకత్వంలోని సౌందర్యాన్ని చూడగల అవకాశం కోల్పోతాయి.

.

ఖ్వాజా ఆబ్దుల్లా ఆన్సారి.

(1006 – 1088)

ఆఫ్ఘనిస్థాన్, సూఫీ కవి

.

ఈ కవిత చిన్నదే అయినా మంచి సందేశం ఉంది.

భగవంతునిమీద తప్ప మిగతా అన్నివిషయాలనుండి మనసుని తప్పించడమే సూఫీ సిద్ద్ధాంతంలోని మూలభావన. ఈ ప్రపంచమే సత్యమనే భావన ఒకటి, ఈ ప్రపంచం అంతా మిధ్య నఏది ఒకటి  రెండు భావాలు అప్పట్లో ప్రబలంగా ఉండేవని మనకు సులభంగా అర్థం అవుతుంది. ప్రపంచమే సత్యమనుకునే వారు, మరణానంతర జీవితంగురించిన కొన్ని సుగుణాలు చూడలేరు అనడంలో, అవి భావనలే అయినప్పటికీ, మంచికి బహుమానమూ, చెడుకి శిక్ష అన్న ప్రకృతిసిద్ధమైన న్యాయభావనని తోసిరాజంటారన్న ఆలోచన ఉంది. ఆ నమ్మకం లేకపోవడంవల్ల మనుషుల ప్రవర్తనలో, వైయక్తిక నైతిక భావనలో వచ్చే మార్పు సమాజానికి మంచిచెయ్యకపోవచ్చు. అలాగే, కేవలం పారలౌకిక భావనతో నిండినవారికి, ఈ రెండూ ఒక్కటే అన్న సత్యమూ, ప్రకృతే కైవల్యమూ అన్నభావన అవగతం కాదన్న ఎత్తిపొడుపూ ఉంది.  సూఫీలు, అచ్చమైన మానవతా వాదులు. మార్మికత ఒక తొడుగు మాత్రమే.

Image Courtesy: http://www.poetry-chaikhana.com/A/AnsariKhwaja/
Image Courtesy: http://www.poetry-chaikhana.com/A/AnsariKhwaja/

.

The Beauty of Oneness

.

Any eye filled with the vision of this world

cannot see the attributes of the Hereafter,

Any eye filled with the attributes of the Hereafter

would be deprived of the Beauty of Oneness.

.

Khwaja Abdullah Ansari

Sufi Poet

.

←
→

“ఖ్వాజా అబ్దుల్లా అన్సారీ … ఆఫ్ఘనిస్థాన్, సూఫీ కవి” కి 2 స్పందనలు

  1. Manasa Avatar
    Manasa

    పారలౌకికతకు బదులుగా, లోకాతీతం అనవచ్చునా మూర్తి గారూ? లేదా ఆ పదానికి ఏదైనా ప్రత్యేకత ఉండి వాడారా?

    మెచ్చుకోండి

    స్పందించండి
    1. NS Murty Avatar
      NS Murty

      మానసగారూ,
      పారలౌకికతత, లోకాతీతము అన్న పదాలు సమానార్థకాలుగా వాడుతున్నప్పటికీ, పారలౌకికత అంటే పరలోకం (the world after death) గూర్చిన భావన; లోకాతీతమంటే నా దృష్టిలో trans-world, అంటే మనం ఉంటున్న ఈ లోకానికి సంబంధించనిది ఏదైనా… any subject beyond earth is trans-world. మొదటిది ఒక అమూర్త భావన; రెండవది మూర్త ప్రకృతి. సూఫీల పరిభాషలో దృశ్యాదృశ్యమాన భౌతిక ప్రపంచము (Visible and invisible material world)నశ్వరం; దాన్ని సృష్టించిన భౌతికాతీత (trans-material world) కి చెందిన పరమాత్మ శాశ్వతం. జీవితం దేవునితో జరిపే నిత్య సంభాషణ, కనుక జీవితకాలమూ ఆలోచనలను భగవంతుని మీద లగ్నం చేసి ఉంచడమే సూఫీల ప్రయత్నం. It’s a kind of living the religion. మనం ఉంటున్న లౌకిక ప్రపంచం నిత్యం కాదన్న భావన సహజంగా మనిషి ఆలోచనలను Greed నుండి తప్పిస్తుంది. అదే సమాజానికి, జీవుల సహజీవనానికి గొప్పగా ఉపకరిస్తుంది. అయితే 17 వశతాబ్దం తర్వాత జాన్ లాకే వంటి పాశ్చాత్య తాత్త్వికుల ఆలోచనలలోంచి అసంకల్పితంగా వచ్చిన కొన్ని కొన్ని deductions, ముఖ్యంగా గ్రీకు తత్త్వవేత్త అరిస్టాటిల్,అరబ్బు తత్త్వవేత్త అబూబకర్ మొదలైన వారినుండి వస్తున్న Tabula Rasa (Mind / Brain is a blank slate at birth. It has no pre-conceived knowledge about anything of this world) అన్న సిద్ధాంతానికి An Essay Concerning Human Understanding వ్యాసం ద్వారా అతనిచ్చిన వ్యాఖ్యానం ద్వారా Intellectual Property భావన వల్ల, మళ్ళీ ప్రపంచపు ఆలోచనలన్నీ లౌకికతవైపు మళ్ళేయి. నిజానికి లౌకికత, పారలౌకికత గూర్చిన భావనలు, ఒకే మనిషిలో రెండు Water-tight compartments గా ఉండనారంభించేయి.
      ఇప్పటికే ఈ సమాధానం చాలా అసంపూర్ణమైనప్పటికీ పెద్దదయిపోయింది. క్షమించాలి.
      అభివాదములతో

      మెచ్చుకోండి

      స్పందించండి

వ్యాఖ్యానించండి

స్పామును తగ్గించడానికి ఈ సైటు అకిస్మెట్‌ను వాడుతుంది. మీ వ్యాఖ్యల డేటా ఎలా ప్రాసెస్ చేయబడుతుందో తెలుసుకోండి.