అనువాదలహరి

అనువాదము పునర్జన్మ

,

నన్ను మరిచిపో వద్దు … అజ్ఞాత కవి

Amar Jawan Jyoti
Amar Jawan Jyoti (Photo credit: Gaurav Trivedi)

.

మీరు రోజు గడుపుతూ

ఆలోచనలో ములిగిపోయినా

నన్ను మరిచిపో వద్దు.


నేను యుధ్ధం చేసేను.

చేస్తూ గాయపడ్డాను.

నన్ను మరిచిపోవద్దు.


ఋణం తీర్చుకోలేని

ప్రాణత్యాగాలవల్ల స్వాతంత్ర్యం వచ్చింది.

నన్ను మరిచిపోవద్దు.


మీ పిల్లలకి బోధించినపుడల్లా

గతాన్ని గుర్తుంచుకోమనండి.

నన్ను మరిచిపోవద్దు.


మీరు బాధలో ఉన్నా,

ప్రార్థనలో ఉన్నా

నన్ను మరిచిపోవద్దు.


నేను తూటా పేలడం విన్నాను.

అయినా, వెన్నిచ్చి పారిపోలేదు.

నన్ను మరిచిపోవద్దు.


నేనొక దేశభక్తుడిని

ఈ రోజు మీ సాయం నాకు కావాలి.

నన్ను మరిచిపోవద్దు.

.

అజ్ఞాత కవి

(ఇది చూడడానికి అమెరికాకు చెందిన విషయంలా కనిపించవచ్చు గాని, ఇది మనందరకూ చెందుతుంది. ఈరోజు స్వతంత్రవాయువులు పీల్చుకుని బ్రతుకుతున్న ప్రతి భారతీయుడికీ వర్తిస్తుంది. మనం దేమునికి రోజూ ఏదో కావాలని మొక్కుతూనే ఉన్నాం. ఉంటాం. ఎన్నడైనా మన స్వేఛ్ఛకి తమ ప్రాణాలర్పించిన వాళ్లని ఏడాదికొక్కసారైనా తలుచుకున్నామా? స్వాతంత్ర్య దినోత్సవంనాడో, గణతంత్ర దినోత్సవంనాడో వాళ్ళ త్యాగాలు నిష్ఫలం కానీయమనీ, వాళ్ళు అసంపూర్ణంగా వదిలిన కార్యాన్ని పూర్తిచెయ్యడానికి, ఎన్ని ప్రలోభాలెదురయినా నీతిగా నిజాయితీగా బ్రతుకుతూ పునరంకితమవుతామని మనకు మనం వాగ్దానం చేసుకున్నామా? తెల్లవాడి దౌర్జన్యాన్నీ అరాజకాన్నీ వాళ్లెదిరించగలిగితే, నల్లవాడూ అదేపని చేస్తున్నప్పుడు మనం ఎదిరించలేమా? ఒక్క సారి ఆలోచించండి. ఇప్పటి రాజ్య వ్యవస్థ చూస్తే, సమాధులలోని వాళ్ళ పవిత్రాత్మలు ఎంత శోకిస్తాయో!).

Disabled American Veterans
Disabled American Veterans (Photo credit: Wikipedia)

.

Forget-me-not
When you’re lost in thought
As you make it through your day

Forget-me-not
I am one who fought
And was scarred along the way

Forget-me-not
For the freedom bought
With the lives one can’t repay

Forget-me-not
When ever your child is taught
To remember yesterday

Forget-me-not
When the day is hot
And you bend your knees to pray

Forget-me-not
Yes, I heard the shot
But I did not run away

Forget-me-not
I’m a patriot
And I need your help today

.

Anonymous

(Courtesy: Ms Usharani of Maruvam.blogspot.in who got this from 2010′s Memorial Day card she received as donor from Disabled American Veterans Association.)

Note: I greatly appreciate if it pleases anybody to inform me the original writer of this poem. I searched the web but could not find it out. Like the sacrifices mentioned here, the poet remained anonymous.

←
→

“నన్ను మరిచిపో వద్దు … అజ్ఞాత కవి” కి 2 స్పందనలు

  1. Nanda Kishore Avatar
    Nanda Kishore

    మీరన్న మాటలు ఎంతో ఆలోజింపజేసాయి మూర్తిగారు. నిజమే నల్లవాడు అదే పని చేస్తుంటే మనమెందుకు మౌనంగా ఉంటున్నామో,అలవాటుపడిపోతున్నామో, సంవత్సారానికి రెండు రోజుల్లో గుర్తొచ్చే త్యాగాలు మళ్ళీ ఎప్పుడు ఎందుకు గుర్తుకురావో అని పదే పదే ప్రశ్నించుకుంటున్నా..

    “ఈ రోజు మీ సాయం నాకు కావాలి” అని ఆత్మగా కూడా దేశ శ్రేయస్సునే కాంక్షించే సైనికుని అంతరంగాన్ని poem చక్కగా ఆవిష్కరించింది. బడిలో prayerలో చదివినట్టు ఆ వాక్యాలని సరిగా అర్ధం చేసుకోగలిగిన ఈ వయసులో రోజు పొద్దున్నే మళ్ళీ చదవాలనిపిస్తుంది.

    english poem లో rhyming ముచ్చటగా ఉంది. మీ తెలుగు అనువాదం ఎప్పటిలాగే బాగుంది. నేను webలో కాసేపు ప్రయత్నించాను. forget me not పుష్పం ,అదే పేరితో ఉన్న మరికొన్ని పాటలు,సినిమ details తప్ప అసలుసమాచారం దొరకలేదు.

    మెచ్చుకోండి

    స్పందించండి
  2. NS Murty Avatar
    NS Murty

    నందకిషోర్ గారూ,
    మీలాంటి యువకులు ఇటువంటివిషయాలపట్ల శ్రధ్ధపెట్టాలి. స్వాతంత్ర్యయోధులూ, దేశభక్తులూ చేసిన త్యాగం ఏ కొద్దిమంది దుర్మార్గులో గూడుపుఠాణీ అయి దేశ సంపద దోచుకుందికి కాదు. ఇక్కడ ప్రతిభారతీయుడూ, స్వేచ్ఛగా ఆరోగ్యంగా విద్యావంతుడై, మన పూర్వవైభవాన్ని తిరిగితీసుకురాగల తాత్త్విక చింతన గలవాడవుతాడన్న ఆశతో వాళ్ళు తమ ప్రాణాలు అర్పించారు. భగత్ సింగ్, సుఖ్ దేవ్ రాజ్ గురు వంటి ముక్కుపచ్చలారని యువకులు నిష్పూచీగా, ఏమాత్రం జంకులేకుండా ఉరితాడుని కౌగిలించుకున్నారు. ఏం? వాళ్లకి జీవితం తీపికాదా? వాళ్ళతల్లిదండ్రులకి వాళ్ళమీద ప్రేమానురాగాలు లేవా? ఈ రోజు పరమ దుర్మార్గులు వాళ్లు అధికారంలోకి రావడానికో, ఉన్న అధికారాలని నిలబెట్టుకుందికో అమాయకులైన యువకుల్నీ, వాళ్ళ జీవితాలనీ బలిచేస్తున్నారు. దేశద్రోహం అంటే మనగుట్టుమట్టులు శత్రువులకి అందజెయ్యడం ఒక్కటే కాదు, ఈ జాతికి చెందిన సర్వ సంపదనీ, చట్టందృష్టిలో సరిగా కనిపించినా నీతిబాహ్య విధానాలద్వారా దోచుకోవడం కూడా. దీనికి శిక్ష కూడా దేశద్రోహంతో సమానంగా ఉండాలి. మీ లాంటి యువత ఈ దుర్మార్గులు పన్నే రాజకీయ ఉచ్చుల అంతర్యాలను గ్రహించి తగిన రీతిలో వాళ్లకి బుధ్ధిచెప్పాలి.
    మీ ఆలోచనాత్మక వ్యాఖ్యకి అభినదనలతో,

    మెచ్చుకోండి

    స్పందించండి

Leave a reply to NS Murty స్పందనను రద్దుచేయి

స్పామును తగ్గించడానికి ఈ సైటు అకిస్మెట్‌ను వాడుతుంది. మీ వ్యాఖ్యల డేటా ఎలా ప్రాసెస్ చేయబడుతుందో తెలుసుకోండి.