అనువాదలహరి

అనువాదము పునర్జన్మ

,

నిద్రలోనే … సారా టీజ్డేల్

Image Courtesy: http://t0.gstatic.com

.

నిద్రలోనే వాళ్ళ ముఖాలు నాకు కనిపిస్తాయి

నేను చిన్నపిల్లగా ఉన్నప్పుడు నాతో ఆడిన పిల్లలందరివీ

లూయిజ్,  తన గోధుమరంగుజుత్తు చక్కగా జడేసుకునీ,

ఏనీ,  తన ఉంగరాలజుట్టు హాయిగా, ఎగరేసుకుంటూను

.

నిద్రలోనే కాలాన్ని మరిచిపోతాం…

ఇప్పుడు వాళ్లంతా ఎలా ఉన్నారో, ఎవరికి తెలుస్తుంది?

కాని నిన్నరాత్రి చిన్నప్పటిలాగే ఆడుకున్నాం,

మెట్ల పక్క మలుపులో బొమ్మరిల్లుతో సహా

.

ఏళ్ళు గడిచినా, కాలం వాళ్ళ ముఖాలని పదునుపెట్టలేకపోయింది.

వాళ్ళ కళ్ళలోకి చూశాను… అప్పటిలాగే ఇంకా అమాయకంగానే ఉన్నై,

వాళ్ళూ నా గురించి కలగంటుంటారా?

వాళ్ళకీ నేను చిన్నపిల్లలాగే కనిపిస్తుంటానా? ఏమో!

.

సారా టీజ్డేల్, 

అమెరికను కవయిత్రి

.

Only In Sleep

.

Only in sleep I see their faces,
Children I played with when I was a child,
Louise comes back with her brown hair braided,
Annie with ringlets warm and wild.

Only in sleep Time is forgotten —
What may have come to them, who can know?
Yet we played last night as long ago,
And the doll-house stood at the turn of the stair.

The years had not sharpened their smooth round faces,
I met their eyes and found them mild —
Do they, too, dream of me, I wonder,
And for them am I too a child?

.
Sarah Teasdale
American Poetess
←
→

“నిద్రలోనే … సారా టీజ్డేల్” కి 4 స్పందనలు

  1. jyothirmayi Avatar
    jyothirmayi

    కాలం ముందుకు నడిపించినా మనస్సు బాల్యాన్నొదిలి రానంటుంది..పదాలు మీ కవితలో అందంగా ఒదిగిపోయాయి …

    మెచ్చుకోండి

    స్పందించండి
  2. kastephale Avatar
    kastephale

    Do they, too dream of me, I wonder… what every body feels

    మెచ్చుకోండి

    స్పందించండి
    1. sunamu Avatar
      sunamu

      శర్మగారూ,
      చంద్రాభట్ల సత్యనారాయణ మూర్తి అని చిన్నప్పుడు నాకొక క్లాస్ మేట్ ఉండేవాడు. వాడిని 1967 లో విడిచినతర్వాత ఇంతవరకు కలవలేదు. మధ్యలో ఒక్కసారి వాడు సికిందరాబాదు డివిజనులో సహాయ స్టేషను మాస్టరుగా పనిచేసేవాడని విన్నాను. వాడిని తలుచుకున్నప్పుడల్లా నాక్కూడా అప్పుడప్పుడు ఇలాంటి సందేహమే వస్తుంది… వాడికి నేను గుర్తున్నానా? వాడు నాగురించి ఇలాగే అనుకుంటాడా? అని. అందుకే నాకీ కవిత బాగా నచ్చింది.
      అభివాదములతో

      మెచ్చుకోండి

      స్పందించండి
  3. sunamu Avatar
    sunamu

    అమ్మా జ్యోతిర్మయీ,
    ఆలస్యంగా సమాధానం ఇస్తున్నందుకు క్షమాపణలు. నేను ఈ 3 రోజులయి ఊర్లో లేకపోవడం, వెళ్ళినచోట అంత సులభంగా కంప్యూటరు, అంతర్జాలం అందుబాటులో లేకపోవడం కారణాలు.
    నువ్వన్న మాట నిజం. చిన్నతనం మనల్ని ఎప్పటికీ వీడిపోదు. అసలన్నిటికంటే కష్టమయినది చిన్నతనాన్ని (శ్లేష లేదు) వదిలయ్యలేకపోవడమే. అందుకే బహుశా వయస్సు పైబడ్డాక ఇంకా మనవలితో, మనవరాండ్రతో ఆడుకోవాలనీ, కథలు చెప్పాలనీ అనిపించడం. ఆవిడ కవితలు చదవగానే సారా టీజ్డేల్ కి ఫాన్ ని అయిపోయాను. అందుకే ఆమెవి కొంచెం ఎక్కువమోతాదులో అనువాదం చేస్తున్నానేమో అనిపిస్తుంది ఒక్కొక్కసారి.
    ఆశీస్సులతో,

    మెచ్చుకోండి

    స్పందించండి

Leave a reply to jyothirmayi స్పందనను రద్దుచేయి

స్పామును తగ్గించడానికి ఈ సైటు అకిస్మెట్‌ను వాడుతుంది. మీ వ్యాఖ్యల డేటా ఎలా ప్రాసెస్ చేయబడుతుందో తెలుసుకోండి.