కొన్ని రోజులే రాత్రిపూట భుజించు; నీకు మందుల అవసరం ఉండదు.

నీ ఆనందంకోసం భోజనం చేసి, పరుల ఆనందం కోసం మంచి దుస్తులు వేసుకో.

నీకు నిజంగా తీరుబాటు చిక్కాలంటే, సమయాన్ని జాగ్రత్తగా వినియోగించు.

మూర్ఖపు చేష్టలు వినోదం అయిన దగ్గరనుండీ, మూర్ఖులు అన్ని రంగాలలోకీ ప్రవేశించేరు.

ప్రతి వ్యక్తికీ తన నిజాయితీని గర్వంగా ప్రకటించుకునే అవకాశం ఉంది; కొందరికే తమ అవగాహన గురించి చెప్పగలిగే అవకాశం.

అనుభవం పాఠశాల చాలా ఖరీదైనది, కానీ, మూర్ఖులు అందులో తప్ప మరో దానిలో చేరరు.

కళ్ళూ, మతబోధకుడూ హాస్యాన్ని భరించలేరు. (కళ్ళవెంట ఆనందంతో నీళ్ళూ, మతాధికారికి ఆగ్రహమూ వస్తాయి)

దేముడికి భయపడు. నీ శత్రువులు నీకు భయపడతారు.

మరణానికి భయపడకు. మనం ఎంత తొందరగా మరణిస్తే, అంత ఎక్కువ కాలం మనం చిరంజీవులుగా ఉంటాము. (మనల్ని గుర్తుంచుకునేది మన సమకాలికులే. ఆ తర్వాత ఎవరూ గుర్తుంచుకోరు.)

చెడు చెయ్యడానికి భయపడు. అంతకు మించి దేనికీ భయపడనక్కర లేదు.