తన్మయత… సర్ నిజామత్ జంగ్, అరబ్-భారతీయ కవి
ప్రియా! నేను నీ చెంతకు చేరినపుడు
నాలోని నశ్వరమైనవాటినన్నిటినీ త్యజించి,
దైవదర్శనానికి వెళుతున్నప్పుడు ఏయే
ఆలోచనలను దూరంగా ఉంచుతామో
వాటినుండి మనసు ప్రక్షాళనంచేసుకుని
అంత నిర్మలంగానూ చేరుకుంటాను-
దురహంకారాన్నీ, ప్రేమాడంబరాన్నీ
ఒకే ఒక్క పదునైన చూపుతో అణచగల
ఎగసిపడే అద్భుత చైతన్యవంతమైన
నీ వ్యక్తిత్వానికి అనువుగా నన్ను దిద్దుకుంటూ.
నిజం! నేను అచ్చం అలాగే నీ చెంతకు వస్తాను.
వచ్చి నీ కళ్ళలోకి సూటిగా చూడ సాహసిస్తాను.
నీ చేతిని నా కనులకూ,పెదాలకూ అద్దుకున్నపుడు
ఆ సుతిమెత్తనిస్పర్శ నీ మేన పులకలు కలిగించి
నా తనువూ మనసున ప్రతిఫలిస్తుంటే, మనిద్దరం
స్వర్గంలోని తొలి జంటలా తన్మయులమై ఉంటాం.
.
సర్ నిజామత్ జంగ్
ఏప్రిల్ 1871 – 1955
అరబ్- భారతీయ కవి
.
UNITY
WHEN I approach thee, Love, I lay aside
All that is mortal in me, with a heart
Absolved and pure, and cleansed in every part
Of every thought that I might wish to hide
From God, I come, — fit spirit to abide
With such a soaring spirit as thou art,
Whose eye transfixes with a fiery dart
Presumptuous passion and ignoble pride.
Yea, thus I come to thee, and thus I dare
To gaze into thine eyes ; I take thy hand,
And its soft touch upon my lips and eyes
Thrills thy pure being, while it lingers there,
Into my heart and soul; — and then we stand
Like the first two that loved in Paradise !
.
Sir Nizamat Jung
(April 1871 – 1955)
Arab- Indian Poet
Poem Courtesy:
దీన్ని మెచ్చుకోండి:
ఇష్టం వస్తోంది…
ఇలాంటివే
.