రాత్రి తలెత్తే ప్రశ్నలు… లూయీ అంటర్ మేయర్, అమెరికను కవి
అసలు
ఈ ఆకాశం ఎందుకు?
నెత్తిమీద ఉరుములు ఎవరు రేపెడతారు?
ఆ ఫెళఫెళమనే శబ్దం ఎవరు చేస్తారు?
దేవతలు నిద్రలో పక్కమిదనుండి క్రిందకి దొర్లిపోతారా?
వాళ్ళ ఆటబొమ్మలన్నిటినీ పగలగొడుతున్నారా?
సూర్యుడు ఎందుకు అంత త్వరగా క్రిందకి దిగిపోతాడు?
రాత్రిపూట మేఘాలెందుకు ఆకలితో
అప్పుడే ఉదయిస్తున్న చంద్రుణ్ణీ,
చంద్రుడిచుట్టూ ఉన్న గుడినీ మింగడానికి
అన్నట్టుగా నెమ్మదిగా పాకురుతుంటాయి?
అందరూ చెప్పుకుంటున్నట్టు
చుక్కలమధ్య ఎలుగుబంటి ఉంటుందా?
అలాగైతే, అది పచ్చికబయళ్ళ కడ్డంగా కట్టిన
దళ్ళు దూకి పాలపుంతని తాగెయ్యదా?
రాలిన ప్రతి నక్షత్రమూ
మిణుగురుపురుగుగా మారుతుందా?
మళ్ళీ తిరిగి అది ఎన్నడూ స్వర్గం చేరుకోదా?
అసలు ఇంతకీ
ఈ ఆకాశం ఎందుకున్నట్టు?
.
లూయీ అంటర్ మేయర్
అమెరికను కవి
(October 1, 1885 – December 18, 1977)
.
.
Questions at Night
.
Why
Is the sky?
What starts the thunder overhead?
Who makes the crashing noise?
Are the angels falling out of bed?
Are they breaking all their toys?
Why does the sun go down so soon?
Why do the night-clouds crawl
Hungrily up to the new-laid moon
And swallow it, shell and all?
If there’s a Bear among the stars,
As all the people say,
Won’t he jump over those Pasture-bars
And drink up the Milky Way?
Does every star that happens to fall
Turn into a fire-fly?
Can’t it ever get back to Heaven at all?
And why
Is the sky?
.
Louis Untermeyer
(October 1, 1885 – December 18, 1977)
American
Poem Courtesy:
దీన్ని మెచ్చుకోండి:
ఇష్టం వస్తోంది…
అనువాదలహరి 
స్పందించండి