అనువాదలహరి

రానున్న రోజులకో చీటీ… జిమ్ బర్న్స్, ఇంగ్లీషు కవి

నేను ముసలివాడిని అయిపోయేక

భయపెట్టే చొక్కాలూ

మరీ పొట్టి పంట్లాలూ

నాకు తొడగొద్దు.

తొడిగి, వేసవిలో

పిల్లలాడుకునే చోట్లకు

చూస్తూకూచోమని తరమొద్దు.

ప్రాణం నిలబెట్టుకుందికి

సరిపడినంత తిండిపెట్టి,

శీతాకాలమంతా

స్థానిక గ్రంథాలయంలో

ఏ గదిలోనో కూచుని

నిన్నటి పేపరుని

ఈరోజు చదవడానికి

నా వంతు వచ్చేవరకూ

వేచి చూస్తూ గడపమని అనొద్దు.

అంతకంటే, నన్ను కాల్చి పారేయండి.

అలా చెయ్యడానికి మీకు తోచిన కారణం

ఏదో ఒకటి, నా వల్ల తగువులొస్తున్నాయనో

నా పనులు నేను చేసుకోలేకపోతున్నాననో,

నా గది అపరిశుభ్రంగా ఉంచుతున్నాననో.

మీరు నన్ను చంపడానికి

నన్ను చంపడానికి సంజాయిషీక్రింద

మీరు పైనచెప్పిన కారణాలు

చెప్పడానికి భయపడితే

అందరికీ, నేను అమ్మాయిలమీద

వాలిపోతున్నానని చెప్పండి,

అందులోనూ చిన్నపిల్లలు అని చెప్పి

కాల్చి పారేయండి.

మీరు ఎందుకు చేసేరని అడగను.

కానీ ఆ పని మాత్రం చెయ్యండి.

అంతేగాని, వీధి చివర్లో

ఉన్న షాపులకి చేతిలో చిల్లర

లెక్కపెట్టుకుంటూ వెళ్ళవలసి వచ్చేట్టో,

లేకపోతే, ఏ కుష్ఠురోగి కిచ్చినట్టో

కొన్ని నిర్ణీత సమయాల్లో ఉచితంగా ప్రయాణం

చెయ్యమని, ఒక అనుమతి నా ముఖాన్న కొట్టొద్దు.

.

జిమ్ బర్న్స్

జననం 1936

ఇంగ్లీషు కవి

.

Jim Burns
Image Courtesy: http://poetrymagazines.org.uk/magazine/recordea5e-2.html?id=16305

.

Note for the future

.

When I get old

Don’t dress me in

Frayed jackets

and too-short trousers,

and send me out

to sit around bowling-greens

in summer.

Don’t give me just enough

To exist on, and expect me

To like passing

The winter days

In the reading room

Of the local library, waiting

My turn to read

Last night’s local paper.

Shoot me!

Find reason, any reason,

Say I’m a troublemaker,

Or can’t take care of my self

And live in a dirty room.

If you are afraid

Of justifying my execution

On those terms,

Tell everyone I leer

At little girls, and then

Shoot me!

I don’t care why you do it,

But do it,

And don’t leave me

To walk to corner shops

Counting my coppers,

Or give me a pass to travel cheap

At certain times, like a leper.

.

Jim Burns

Born 1936

English Poet

Poem Courtesy:

https://archive.org/details/strictlyprivatea00mcgo/page/70

%d bloggers like this: