నీ శకం ముగిసింది… లార్డ్ బైరన్, ఇంగ్లీషు కవి
నీ శకం ముగిసింది, ఇక నీ కీర్తి ప్రారంభమైంది.
ఈ దేశవాసులు గీతాలు రచిస్తారు
తమ ప్రియతమ పుత్రుడు
సాధించిన ఘనకార్యాలూ, గెలిచిన యుద్ధాలూ,
నిలబెట్టిన స్వాతంత్య్రమూ,
గెలిచిన పోరాటాలనూ స్మరించుకుంటూ!
నువ్వు నేల రాలి, మేము స్వేచ్ఛగా మిగిలినా
నీకు మరణం ఎంతమాత్రం లేదు;
నీ శరీరంనుండి వెల్లువై పెల్లుబికిన రక్తం
ఈ నేలలో ఇంకడానికి ఇష్టపడక,
మా రక్తనాళాల్లో తిరిగి ప్రవహిస్తూంది
నీ ఆత్మ మా ఊపిరులున్నంతవరకు శాశ్వతం!
నీ నామస్మరణే తక్కిన వీరసైనికులని
ముందుకి నడిపే యుద్ధ నినాదం!
నీ త్యాగమే, గొంతెత్తి పాడే
యువ గాయకబృందాల ఆలాపనల పల్లవి.
నీ గురించి దుఃఖించడం నీ యశస్సుకి అపచారం
అందుకే, నీకై ఎవరూ వగవరు!
.
జార్జ్ గార్డన్, లార్డ్ బైరన్
(22 January 1788 – 19 April 1824)
ఇంగ్లీషు కవి
.
.
Thy Days Are Done
.
Thy days are done, thy fame begun;
Thy country’s strains record
The triumphs of her chosen Son,
The slaughter of his sword!
The deeds he did, the fields he won,
The freedom he restored!
Though thou art fall’n, while we are free
Thou shalt not taste of death!
The generous blood that flow’d from thee
Disdain’d to sink beneath:
Within our veins its currents be,
Thy spirit on our breath!
Thy name, our charging hosts along,
Shall be the battle-word!
Thy fall, the theme of choral song
From virgin voices pour’d!
To weep would do thy glory wrong:
Thou shalt not be deplored.
.
George Gordon Lord Byron
(22 January 1788 – 19 April 1824)
English Poet
Poem Courtesy:
దీన్ని మెచ్చుకోండి:
మెచ్చుకోండి వస్తోంది…
అనువాదలహరి 
స్పందించండి