పురికొసను పోలిన క్రూరత్వం … చార్ల్స్ బ్యుకోవ్ స్కీ, అమెరికను
[గమనిక:
వ్యవహారంలో జనపనారతో పేనిన తాడుని కూడా పురికొస అంటారు. కానీ, ఇక్కడ అదికాదు.
విశాఖపట్నం, విజయనగరం ప్రాంతాల్లో అచ్చం సాలీడుని పోలి, కుట్టినపుడు మనిషికి విషం ఎక్కే పురుగుని పురికొస అంటారు.]
.
మంచి మధ్యాహ్న వేళ
వాళ్ళు నిన్ను
యురోపులో ఏ కాఫీ హోటల్లోనైనా
ముందువరుస టేబిళ్ళదగ్గర
కూచో నివ్వరు.
నువ్వుగాని అలా కూచున్నావో
ఎవడో ఒకడు పక్కనుండి
వాహనం నడుపుకుంటూ వచ్చి
నీ గొంతులో, సబ్ మెషీన్ గన్ తో
తూటాలు దించి పోతాడు.
వాళ్ళు నిన్నెక్కడా
నాలుగురోజులపాటు
హాయిగా సుఖంగా
ఉండనీరు.
నువ్వు ప్రశాంతంగా కూచునీ
నాలుగు చోట్లకీ కులాసాగా తిరుగుతూ
ఉందామంటే ఆ శక్తులు ఉండనీవు.
నువ్వు వాళ్ళు చెప్పినట్టు
నడుచుకోవలసిందే.
అసంతుష్టులూ, క్రూరులూ,
ప్రతీకారంతోరగిలేవారూ
వీళ్ళందరికీ
ఆ ఆవేశం తీర్చుకుందికి
ఒక లక్ష్యం కావాలి.
అది నువ్వు కావచ్చు,
మరొకరు కావచ్చు
లేదా బాధలో ఉన్న ఎవరైనా కావొచ్చు
అంతకంటే మెరుగైనది
శవాలై ఏ కన్నంలోకో
విసిరేసినవాళ్ళు
కావొచ్చు.
ఈ భూమ్మీద మనుషులు
తిరుగాడుతున్నంత కాలం
ప్రశాంతత అన్నది
ఏ మనిషికీ
ఎక్కడా దొరకదు.
ఇక్కడే కాదు
వాళ్లు ఇంకే ప్రదేశానికి
పారిపోయినా.
మహా అయితే
మీరు చెయ్యగలిగింది
ఇక్కడ
ఒక పది నిముషాలో
అదృష్టం బాగుంటే
అక్కడ ఒక గంటో
గడిపెయ్యవచ్చు.
ఈ క్షణంలో
మీకు వ్యతిరేకంగా
ఏదో పనిచేస్తోంది.
నేను ఎవరిగురించో
చెప్పడం లేదు
మీ గురించే.
మీరంటే, అక్షరాలా మీరే.
.
చార్ల్స్ బ్యుకోవ్ స్కీ
August 16, 1920 – March 9, 1994
అమెరికను.
.
Relentless as the tarantula
.
they’re not going to let you
sit at a front table
at some cafe in Europe
in the mid-afternoon sun.
if you do, somebody’s going to
drive by and
spray your guts with a
submachine gun.
they’re not going to let you
feel good
for very long
anywhere.
the forces aren’t going to
let you sit around
fucking-off and
relaxing.
you’ve got to go
their way.
the unhappy, the bitter and
the vengeful
need their
fix – which is
you or somebody
anybody
in agony, or
better yet
dead, dropped into some
hole.
as long as there are
humans about
there is never going to be
any peace
for any individual
upon this earth or
anywhere else
they might
escape to.
all you can do
is maybe grab
ten lucky minutes
here
or maybe an hour
there.
something
is working toward you
right now, and
I mean you
and nobody but
you.
.
Charles Bukowski
August 16, 1920 – March 9, 1994
American
Poem Courtesy:
దీన్ని మెచ్చుకోండి:
ఇష్టం వస్తోంది…
అనువాదలహరి 
స్పందించండి