వెలుగు ఆమె హేలగా మారి, కళ్ళు మిరుమిట్లు గొలుపుతూ
మనుషాకృతుల్లో ఎన్నో క్రీనీడలను ప్రాకిస్తోంది.
చూడు, వెలుగు మనసు దోచి మనచే ఎలా కూనిరాగాలు తీయిస్తోందో!
ఆమె క్షణకాలం సూర్యుడి వెలుగుని ధరిస్తుంది
నా మనసు ఎన్నడో ఆమె అధీనమైపోయింది .
కీకారణ్యాల్లో ఏ జింకపిల్లలూ, దుప్పులూ సంచరించవు
అంత నిశ్శబ్దంగా ప్రాకుతోంది సూర్యరశ్మి;
ఆమె నడుస్తున్నంత మేరా, తలవాల్చిన పచ్చిక మీద
మెరుస్తున్న పచ్చలు ఎక్కడ త్వరగా ఇగిరిపోతాయోనని సూరీడు
వాటిని క్రిందకి తరుముతున్నాడు; సాలీడు సైతం
ఆమె అంత నాజూకుగా, సన్నగా తన పట్టునెయ్యలేదు.
.
ఎజ్రా పౌండ్
(30 October 1885 – 1 November 1972)
అమెరికను కవి .

స్పందించండి