ఇక్కడ ఈ ఉదయం… ఏలన్ డూగన్,అమెరికను
ఇది ఈ రోజు సరికొత్త ఉదయం:
గతరాత్రికి చెందిన కీర్తి అపకీర్తులు
గతించాయి, వాటి ప్రభావాలు మినహా ;
ఒకటవ, రెండవ ప్రపంచ మహాసంగ్రామాలూ,
ఎడ్వర్డు ఏడుతోనో, ఎనిమిదితోనో,
వాలిస్ వార్ ఫీల్డ్ సింప్సన్ వివాహమూ,
“పోప్” లకున్న క్రమసంఖ్యల్లా…
వరుస సంఖ్యలిచ్చిన రాకెట్లు …ఆకాశంలోనో
చంద్రమండలం మీదనో పేలిపోతాయి.
ఇక ఇప్పుడు ఒక కొత్త రోజు మొదలైంది.
ఈ రోజునీ, దాని చక్కని చుక్కల్నీ
తక్షణం హస్తగతం చేసుకోవాలి,
మతాధికారులు ఆరుబయట పాదచారుల
కాలిబాటల్ని శుభ్రపరుస్తున్నారు,
అద్దాలతలుపులు తెరువబడ్డాయి,
మొట్టమొదటిగా వచ్చిన ఖాతాదారులు
వాళ్ళ కనుకొలకుల సూపర్ మార్కెట్ల
వీధుల్లో యాంత్రికంగా వినిపించే సంగీతాన్ని
ఆస్వాదిస్తూ అటూ ఇటూ పచార్లు చేస్తున్నారు.
ప్రతి వస్తువూ దాని సహజ ప్రకృతినుండి
వేరుచెయ్యబడి, మరొక వస్తువుగా
ముసుగువెయ్యబడి, ముక్కలు ముక్కలుగా
సుల్భంగా అమ్మబడుతోంది. రోమను అంకెలతో
ఎవ్వరు గుణించి, వశపరచుకోగలరు?
అరబ్బుల “సున్న” కున్న స్థానబలం లేకపోవడంతో
అవి వ్యవహారంలోంచి తప్పించబడ్డాయి.
రాత్రల్లా కసాయివాళ్లు గొర్రెపిల్లల్ని చంపి
వాటిని శుభ్రపరచి,
శుభ్రపడి, నిష్క్రమించారు.
తమకి స్పృహ ఉండగా రక్తాన్ని చూడని వాళ్లు
అది రంగుమారినా తాగగలరు,
పునరావృతం కాని పొరపాటుగా గతాన్ని వర్ణిస్తారు
ఎందుకంటే, వాళ్ళకి ప్రస్తుతం నడుస్తున్న
సర్కస్ లాంటి వాస్తవం అనుకోకుండా లభించిన వరం.
.
ఏలన్ డూగన్
అమెరికను కవి
.
This Morning Here
.
This is this morning: all
The evils and glories of last night
Are gone except for their
Effects: the great world wars
I and II, the great marriage
Of Edward the VII or VIII
To Wallis Warfield Simpson and
The rockets numbered like the Popes
Have incandesced in flight
Or broken on the moon: now
The new day with its famous
Beauties to be seized at once
Has started and the clerks
Have swept the sidewalks
To the curb, the glass doors
Are open, and the first
Customers walk up and down
The supermarket alleys of their eyes
To Muzak. Every item has
Been cut out of its nature,
Wrapped disguised as something
Else, and sold clean by fractions.
Who can multiply and conquer
By the Roman numbers? Lacking
The Arab frenzy of the zero, they
Have obsolesced: the butchers
Have washed up and left
After having killed and dressed
The bodies of the lambs all night,
And those who never have seen blood awake
Can drink it browned
And call the past an unrepeatable mistake
Because this circus of their present is all gravy.
.
Alan Dugan
12 Feb 1923 – 3 Sep 2003
American
Poem courtesy:
దీన్ని మెచ్చుకోండి:
ఇష్టం వస్తోంది…
అనువాదలహరి 
స్పందించండి