రోజు: ఫిబ్రవరి 19, 2017
-
తెల్లబడుతున్న ప్రకృతి… జేమ్స్ డి సెనెటో, సమకాలీన అమెరికను కవి
నాకు తెలుసు అటకమీది కిటికీదగ్గర చంద్రవంకల్లాంటి మంచుపలకలు ఈ హేమంతంలో పేరుకుంటాయి. వాటిలోంచి ప్రసరించే సూర్యకిరణాలు ఎర్రగా, నీలంగా విడివడుతూ నా కళ్ళలో ప్రతిఫలిస్తుంటాయి. అక్కడి చల్లదనంలో అచేతనత్వంలో నేను నా ఊహల్లో సిగరెట్లు తాగుతూ ప్రపంచం చలికి గడ్డకట్టుకుపోవడం గమనిస్తాను. ఆ నా ఏకాంతంలో నా కిటికీప్రక్కన దూదిమంచు తేలియాడడం గమనిస్తున్నాను. నేనున్న అనువైన ప్రదేశంనుండి చెట్టు చివరలనుండి క్రిందనున్న కంచెమీదకి ఒక మంచు పలక ప్రయాణాన్ని చూడగలుగుతున్నాను. క్రమక్రమంగా పొదలన్నీ “క్రంబ్ కేకు”ముక్కల్లా మారుతున్నై.…
అనువాదలహరి 