కిటికీ దగ్గర… కార్ల్ సాండ్ బర్గ్, అమెరికను కవి

హాయిగా కూచుని ప్రపంచానికి
ఉత్తర్వులిచ్చే దేవతలారా!
నాకు ఆకలి, బాధా, లేమీ ఇవ్వదలుచుకుంటే ఇవ్వండి;
కీర్తీ, సంపదల దర్వాజాలనుండి నన్ను
పరాజయ, పరాభవాలతో వెలివేయదలుచుకుంటే వెలివెయ్యండి;
ఎంత దీనమూ, కఠినమైన దారిద్ర్యాన్నివ్వాలనుకుంటే ఇవ్వండి.
కానీ, కొంచెం ప్రేమని మాత్రం నాకు మిగల్చండి.
రోజు ముగిసిన పిదప మాటాడుకుందికి మరో మనిషినివ్వండి,
మేరలేని ఏకాంతాన్ని పారదోలుతూ
చీకట్లో నన్ను అనునయంగా తడమగల ఒక హస్తాన్నివ్వండి.
సూర్యాస్తమయ దృశ్యాలు
సంధ్యాచిత్రాన్ని మసకపరుస్తున్న వేళ
దారితప్పి తిరుగుతున్న ఒక చిన్ని పడమటి చుక్క
క్రీనీడల అంచుల్లోంచి తొంగి చూస్తోంది.
మనసా! పద, కిటికీ పక్కకి నడుద్దాం.
సంజవెలుగుల్లో జీరాడుతున్న పొద్దు నీడల్ని
అక్కడనుండి గమనిస్తూ
ఒక చిన్నపాటి ప్రేమ రాకకై
ఆశగా ఎదురుచూద్దాం.
.
కార్ల్ సాండ్ బర్గ్

January 6, 1878 – July 22, 1967
అమెరికను కవి

.

 

.

At A Window

.

O you gods that sit and give

The world its orders.

Give me hunger, pain and want,

Shut me out with shame and failure

From your doors of gold and fame,

Give me your shabbiest, weariest hunger!

But leave me a little love,

A voice to speak to me in the day end,

A hand to touch me in the dark room

Breaking the long loneliness.

In the dusk of day-shapes

Blurring the sunset,

One little wandering, western star

Thrust out from the changing shores of shadow.

Let me go to the window,

Watch there the day-shapes of dusk,

And wait and know the coming

Of a little love

.

Carl Sandburg

January 6, 1878 – July 22, 1967

American

 

Poem Courtesy:

The New Poetry: An Anthology. 1917

Ed. Harriet Monroe (1860–1936).

http://www.bartleby.com/265/313.html