రోజు: జూన్ 13, 2013

అదిగో ఆ బీరువా పై అరలో
సన్నటి పుస్తకాలు దొంతి కనిపిస్తున్నదా?
వాటిని ఏ పాఠకుడూ తొంగి చూడడు, వెదకడు
ఎందుకంటే…. అవి నేను రాసినవి కాబట్టి.
అవి చక్కగా నేవీ బ్లూరంగులో ముచ్చివేసి ఉన్నై
కాని ఎవ్వడూ వాటిని పట్టించుకోడు;
అవి అందంగా ముద్రించబడ్డాయి
అయినా ఎవడూ ఎప్పుడూ చదవడు.

నా ఆశల రూపం, ఆ పుస్తకాలు!
వాటిమీద ఎంత సమయం, డబ్బూ వెచ్చించేనని!
ఇప్పుడు అదంతా వృధాశ్రమ అనిపిస్తుంది,
అందులో ఏ ఒక్కటీ అమ్మలేకపోయాను;
ఒక్క కాపీ కూడా ఎవరికీ ఇవ్వలేకపోయాను
ఇవ్వబోతే నా మిత్రులందరూ భయంతో వెనకాడుతూ,
నావంక చూసి ఇలా అన్నారు: “ఎంతపని చేశావురా,
ఆ ఇంకు మరో పనికొచ్చే పనికి ఉపయోగించేదికదా!” అని.
 
ఆలా బీరువా మీద వాటివైపు చూస్తున్నప్పుడల్లా
బాధతో నా కళ్ళు చెమర్చినా
అవి నాకెంత సంతృప్తినిచ్చాయో తలుచుకుని
ఒక వేడి నిట్టూర్పు విడవకుండా ఉండలేను…
ఆ కవితలు అనుకున్నట్టు రావడానికి
సరైన మాటకోసం తపించగా తపించగా
చివరకి అది తళుక్కున నా మస్తిష్కంలో
మెరిసినపుడు ఎంత పరవశం కలుగుతుందని!
.
బహుశా ఆ తన్మయత్వమే నాకు దక్కిన ప్రతిఫలం
ఇతరత్రా లభించే చవకబారు కీర్తిప్రతిష్టలకంటే;
అందుకనే నే పడ్డకష్టాన్ని మరిచిపోతాను,
అసంతృప్తినీ మనసులోంచి తుడిచేస్తాను.
ఓ నా ఉజ్జ్వలమైన కోడెవయసు వ్రాతలారా!
నేనేమీ గుండె పగిలేలా దుఃఖించను,
ఎందుకంటే, నా నిష్కపటమైన ప్రేమ
సత్యాన్వేషణ అక్కడ మీలో సజీవంగా ఉన్నాయి
.
రాబర్ట్ విలియం సెర్విస్
(January 16, 1874 – September 11, 1958)
బ్రిటిషు కవి.
.

 
.
Amateur Poet… RW Service
.
You see that sheaf of slender books
Upon the topmost shelf,
At which no browser ever looks,
Because they’re by . . . myself;
They’re neatly bound in navy blue,
But no one ever heeds;
Their print is clear and candid too,
Yet no one ever reads.
.
Poor wistful books! How much they cost
To me in time and gold!
I count them now as labour lost,
For none I ever sold;
No copy could I give away,
For all my friends would shrink,
And look at me as if to say:
“What waste of printer’s ink!”
.
And as I gaze at them on high,
Although my eyes are sad,
I cannot help but breathe a sigh
To think what joy I had –
What ecstasy as I would seek
To make my rhyme come right,
And find at last the phrase unique
Flash fulgent in my sight.
.
Maybe that rapture was my gain
Far more than cheap success;
So I’ll forget my striving vain,
And blot out bitterness.
Oh records of my radiant youth,
No broken heart I’ll rue,
For all my best of love and truth
Is there, alive in you.
.

RW Service
(January 16, 1874 – September 11, 1958)
British Poet