అద్దంలో చూసుకుంటూ… థామస్ హార్డీ, ఇంగ్లండు

 అద్దంలో నన్ను నేను చూసుకుంటూ

ముదిమితేరుతున్న చర్మాన్ని చూసి అనుకున్నాను:

“దేముడికి ఆలోచనవచ్చి చర్మమంత పల్చగా

హృదయాన్ని కూడా కృంగదీస్తే ఎంతబాగుండును!”

ఎందుకంటే, అప్పుడు,

నాపట్ల నిర్లిప్తంగా ఉండే హృదయాలను చూసి

ఏ బాధలూ లేకుండా, నిశ్చింతగా

అంతులేని విశ్రాంతికి ఒంటరిగా ఎదురుచూడొచ్చు.

కానీ, కాలం ఉందే, నన్ను ఏడిపించడానికి

కొన్ని లాక్కుని, కొన్ని వదిలేస్తుంది;

ఈ జీవన సంధ్యలో శుష్కించిన శరీరంలో

మధ్యాహ్నపు గుండెగుబుళ్ళు రగుల్కొల్పుతుంది.

 .

థామస్ హార్డీ

(2 June 1840 – 11 January 1928)

బ్రిటిషు నవలా కారుడూ, కవీ.

.

.

I Look into My Glass

.

I look into my glass
And view my wasting skin,
And say, “Would God it came to pass
My heart had shrunk as thin!”

For then, I, undistrest
By hearts grown cold to me
Could lonely wait my endless rest
With equanimity.

But Time, to make me grieve,
Part steals, lets part abide;
And shakes this fragile frame at eve
With throbbings of noontide.

.

Thomas Hardy

(2 June 1840 – 11 January 1928)

British Novelist and Poet