ప్రేమకి పరాకాష్ఠ … రూమీ, పెర్షియన్ కవి, సూఫీతత్త్వవేత్త.
ఇది నువ్వు తెలుసుకో:
.
నేను శిష్యుడినీ కాను, గురువునీ కాను;
పలుకునీ కాను, దాని భావాన్నీ కాను;
పలకరింపునీ కాను, వీడ్కోలునీ కాను;
.
నేను తెలుపునీ కాను, నలుపునీ కాను;
నువ్వు అనుకుంటున్నదీ కాను,
ఒకరు నా గురించి చెప్పగా నువ్వు నమ్మినదీ కాను;
నువ్వు అనుకుంటున్నదీ కాను,
ఒకరు నా గురించి రాసి నువ్వు చదివినదీ కాను;
.
నేను ఆకాశాన్నీ కాను, భూమినీ కాను;
ఏ నమ్మకానికీ కట్టుబడి లేను;
ఏ ఋషి ఆదేశానికీ లోబడిలేను;
.
నేను ఎండమావినీ కాను;
నీ ఏకాంత రాత్రులలో మధువునీ కాను;
నేను బందీని కాను, బానిసనీ కాను, ఎన్నడూ అవమానితుడినీ కాను!
.
నేను ఏ ప్రవక్తనీ కాను;
నే నెన్నడూ గుడులలో గాని,
మసీదులలో గాని,
చర్చిలలో గాని కూర్చోను;
.
నేను స్వర్గానికీ చెందను.
నరకానికీ చెందను.
.
రూమీ
(30 September 1207 – 17 December 1273),
పెర్షియన్ కవి, సూఫీ తత్త్వవేత్త.
.

Image Courtesy: http://en.wikipedia.org/wiki/Rumi