ఆవగింజల టపటపలు … మనుజ్ బ్రహ్మపాద, Malayalam, Indian Poet.
.
విరబూచినచెట్టు ఒకటి
కిటికీ పక్కకి వంగి,
పిట్టలా మూతిముడిచి
సన్నగా ఊళవేసింది:
“ఏయ్, బాబూ! బయటికి దా!
నేను నీ కోసం పువ్వులు కురియడానికి
ఎదురుచూస్తున్నా.”
.
మనసు
చికాకు తెప్పించే సోషలు పుస్తకాన్ని
ఒక్కసారి అవతలకు విసిరేసి,
ఒక ఆకును మీటింది
పళ్లతోటలోకి పరుగెత్తడం గురించి ఆలోచిస్తూ…
.
సరిగ్గా అప్పుడే
వంటింట్లోంచి ఒక కేక వినిపించింది:
“ఓరే, బాబూ! రేపు పరీక్ష …”
.
ఎక్కడికో ఎగిరిపోడానికి
పావురం రెక్కలు అల్లాడించింది;
చెట్టు మౌనంగా ఉండిపోయింది;
అక్బరు తవ్వించిన
ఆ నిశ్చలతటాకం వైపు
మనసు అటూ ఇటూ ఊగిసలాడింది
కాసేపు తేలుతూ, కాసేపు ములుగుతూ.
.
అప్పుడు
కిటికీలోంచి ఒక పండుటాకు
బుగ్గలు సాగేలా నవ్వుతూ,
భుజాన్ని ఆప్యాయంగా స్పృశిస్తూ
ఒడిలో వాలి, గువ్వలా ఒదిగిపోయింది.
.
ఒక్కసారిగా,
అతనికి మంచి మార్కులు
రావడం ప్రారంభించేయి
పుస్తకం పేజీలు నలుచదరంగా చించి
కాగితం పడవలుగా మడిచి
అతనే తెడ్డువేసుకుంటూ ప్రయాణించసాగేడు.
.
అప్పుడు
వంటింట్లోంచి
చప్పట్లుకొట్టి
అభినందిస్తున్నట్టుగా
ఆవగింజలు టపటపలాడసాగేయి.
.
మనుజ్ బ్రహ్మపాద,
మలయాళీ కవి
.
Manuj Brahmapad
.
BEAT OF THE SPLUTTERING MUSTARD SEEDS.
.
Leaning towards
the window
the blossom-tree ,
hummed a whistle,
pouting the bird lips:
“Out you come, Little boy,
Here, I am, revving
to rain my blooms.”
Tossing away that
scowling social studies,
the mind tweaked
a leaf, to scamper
to the orchard-shade.
Prompt came a
thundering roar
from the kitchen
“Da.. *, the examination.”
The bird fluttered,
to take off somewhere;
The tree went mum;
And to that dumb pond
that Akbar ** dug,
his mind swung back
now floating, now sinking.
At once,
through the window
came a ripe leaf,
grinning broadly,
caressing the shoulder
nestling, gliding to the lap.
Suddenly, he
made the grades,
tore the book
to a square,
pleating it to
a paper boat,
he took the oars
to row away –
And that was
when they,
those mustard seeds
from the kitchen,
burst to a
pitter-patter of applause.
____________________
* Da- Affectionate, intimate form of addressing juniors or close buddies.
** Akbar – Mughal dynasty emperor, an era-marker in Indian history texts.
Malayalam Original: Manuj Brahmapaad
English Translation : Sarita Varma
దీన్ని మెచ్చుకోండి:
మెచ్చుకోండి వస్తోంది…
స్పందించండి