కుర్రాడి నవ్వు … స్విన్ బర్న్

.
స్వర్గంలోని ఘంటలన్నీ మ్రోగవచ్చు
అక్కడి పక్షులన్నీ కిలకిలరవా లాలపించవచ్చు
భూమిమీది నీటిబుగ్గలన్నీ చిమ్ముతూ పైకెగయవచ్చు
అవనిమీది గాలులన్నీమధురస్వరాలనొకచోట పోగుచెయ్యొచ్చు…
ఇంతవరకు విని, ఎరిగిన
మధుర స్వరాలన్నిటికంటే మధురమైనదీ,
వీణకంటే, పక్షి పాటకంటే,
అరుణోదయవేళ
వనిలో అతిశయించే ఆనందపుహేల కంటే,
పదాలుపాడుతున్నట్టు పైకెగజిమ్మే నీటి ఊటకంటే
వివర్ణమైన వేసవి వడగాలి వేడి ఊసులకంటే
తియ్యనిది ఇంకొకటుంది…
సృష్టిలో అంత తియ్యని స్వరం ఉందని
అది మోగేదాకా తెలీదు,
స్వర్గంలో ఉంటుందని ఊహించలేము…
అది
తూరుపు శిలాగ్రాలనుండి రాగరంజితంగా
జాలువారే కిరణాల సవ్వడిలా
సంతోషాతిశయంతో మనసు నిండినపుడు,
లలితంగానే కాని బలంగా, తేలికగానే కాని స్పష్టంగా
తొణికిసలాడే ఒక కుర్రవాడి నిర్మలమైన చిరునవ్వు.
స్వాగత గీతాలెన్నడూ అంత మధురంగా విని ఉండము;
అంత గట్టిగా ఆనందం ఎప్పుడూ కేరింతలు కొట్టదు;
స్వర్గం ఇక్కడకు దిగిందేమో అని అనిపించే
ఆ బంగారు మోములో పలికే నవ్వు
కోయిలలూ, చకోరాలూ, ఒకటేమిటి మనిషి విన్నవీ కన్నవీ
మధురంగా ఆలపించే అన్నిపక్షుల ఆలాపనలూ
ఏడేళ్ళ కుర్రాడి నవ్వు తీయదనంలో
సగానికి కూడా సాటిరావు.
.

అందుకే అధరమ్ మధురం..అని మధురాష్టకం చెప్పేరు మనవారు, అద్భుతం.
మెచ్చుకోండిమెచ్చుకోండి
Thank you Sarmagaru. Really there is nothing comparable to the uninhibited laugther of a child that can give you pleasure. And in fact, it is, coupled with blossoming flowers, the luminiscent dawn, the dramatic closure to the day at dusk, the changing seasons and the work of their magic wand on nature, the lofty hills and the wandering clouds, and the decoration of rainbow on the black clouds, the perceived symmetry and asymmetry that touched the reason of an inquisitive man, to search for the wonders and the truth behind this creation. And they continue to arrest our attention.
with best regards,
మెచ్చుకోండిమెచ్చుకోండి
అనువాదం చాలా బాగా వ్రాసారు. .నవ్వు గురించి మంచి కవిత్వం
మెచ్చుకోండిమెచ్చుకోండి
Thank you Ravisekhar garu for the compliments. Welcome to by blog.
with regards
మెచ్చుకోండిమెచ్చుకోండి